好!

選舉完所謂退修日週一放一日假，今日m假再抖一日，勉強回左氣就晚上跑兩圈。

老媽上屆投田北俊，今屆投民建聯，話民建聯比較踏實喎，而田北俊而家就有d滑頭喎…早知佢d選擇係咁…之前就游說佢投長毛。

家姐兩票分別黃成智和梁家蹓(醫學界)，點解投蹓呢，她激動地話蹓先係真正為醫生們做野。（蹓攞老婆本帶領過千醫生與醫管局對薄公堂，爭取超時補水攞番應有的。）爆冷勝出，好人有好報。

就這樣完左鬆一口氣，打一大堆電話後休息下，明天再工作去，選舉哪怕辛勞，但畢竟是和大家並肩打了場仗，而且羸了，感覺不錯。

好多野想寫但冇乜精神寫晒出黎…

熱烈祝賀自由黨大敗+田北俊退出政壇，之前田北俊個頭貼晒o係地鐵車廂內、扶手電梯旁，某天入閘時發現連入閘機一嘟卡都見到佢個大頭，已經火到幾乎打去地鐵投訴視覺污染。

好憎某李氏候選人，佢地告急告成幾個月，學simon幾星期前話齋，不如佢地承認競選失敗啦既然得唔到巿民支持。結果條隊居然排第二成四萬五票，證明本身情勢唔方差得去邊啦，你咁樣係咁告急咪即係唔道義咁籍著告急搶其他所謂穩勝既人既票？今屆李xx搶左人地咁多票，一定會有報應的，下屆要你嘔番晒出黎！

anyway，我們資源人力都好少，一直唔告急但都排第三，都算羸左。阿忠o係電視論壇插其他候選人，如果大家平時係有做野既，駛乜告急呢？選舉係候選人既成績表黎架嘛，點解會告急呢？

最最後，特別多謝阿東。。。